Nasa Peso Coins at Bills ang mga Bayani ng Pilipinas

Philippine Bill and coins

Sanaysay

  • Sino ang Bayani sa 5 Pesos?
  • Sino ang Bayani sa 10 Pesos?
  • Sino ang Bayani sa 20 Pesos?
  • Sino ang Bayani sa 50 Pesos?
  • Sino ang Bayani sa 100 Pesos?
  • Sino ang Bayani sa 200 Pesos?
  • Sino ang Bayani sa 1000 Pesos?
Jose matulog ka na, maaga pa ang pasok mo bukas, Tama na ang internet. Eh Papa may assignment pa po ako. Ano ba 'yun? Patingin nga?

Takdang Aralin 1) Magbigay ng (10) Sampung Bayaning Filipino at
2) Ang Araw ng kanilang Kamatayan

Aba swerte ka Jose, sa internet mo na lang hinahanap ngayon ang mga 'yan. Noong nag-aaral pa ako, na wala pang internet, naalala ko, madali ko lang nagawa ang aking takdang aralin tungkol sa mga Bayaning Filipino. Ows, hindi nga Papa? Paano mo nasagot 'yun? Jose, noon kasi ang larawan ng mga Bayaning Filipino ay nakalagay sa mga barya o coins. Hindi pa man ako sinisilang, noong 1967 ay nagkaroon ng Pilipino Series ang ating mga barya na kinabibilangan nina Lapu-Lapu sa 1 Sentimo, Melchora Aquino sa 5 Sentimo, Francisco Baltazar sa 10 Sentimo, Juan Luna sa 25 Sentimo, Marcelo H. del Pilar sa 50 Sentimo at si José Rizal sa Piso o 1 Peso, ngunit noong taong ako'y isinilang (1974) ito ay ipinawalang bisa at pinalitan ng Ang Bagong Lipunan Series noong 1975
Pilipino Series Coins 1967 - 1974
Eh bakit pinalitan Papa? Nagkaroon ng kaunting pagbabago sa mga hugis ng barya noong Ang Bagong Lipunan Series at nagkaroon ng 5 Peso Coin na larawan ni Pangulong Ferdinand Marcos ang nakalagay at kapansin pansin na nakalagay din dito ang Araw ng Pagdiklara ng Martial Law - September 21, 1972.
Bagong Lipunan Series Coins 1975 - 1983
Eh Papa, 6 lang 'yung Bayaning Filipino sa coins nasaan 'yung iba? Jose, ang 6 pang mga Bayaning Filipino ay nasa Peso Bills naman, na kinabibilangan nina José Rizal sa 1 Peso, Andrés Bonifacio sa 5 Peso, Apolinario Mabini sa 10 Peso, Manuel L. Quezon sa 20 Peso, Sergio Osmeña sa 50 Peso at si Manuel Roxas sa 100 Peso. Eh Papa, alam ko si Andrés Bonifacio at Apolinario Mabini ay mga bayani talaga, 'yung iba ba, mga bayani rin ba sila? Oo naman Jose, mababasa mo dito ang kabayanihan nila Sergio Osmeña at Manuel L. Quezon, at dito naman ang kabayanihan ni Manuel Roxas. Wow, may sagot na agad ako sa assignment ko Papa, thank you, eh paano naman 'yung araw ng kanilang kamatayan?, Bakit naman kasi may ganun pang tanong eh! Jose, malamang may kaugnayan ito sa pagdiriwang ng Kalayaan ng Pilipinas, meron ka bang nakitang bayaning hindi pa namamatay?  Papa, sabi po ni Teacher kayo pong mga OFW (Overseas Filipino Workers) ang Makabagong Bayani. Thank You kamo sabihin mo sa Teacher mo, sige na tulog ka na. Eh Papa, 'yung araw ng kamatayan nila? Search mo na lang sa internet
  1. Lapu-Lapu died on 1542
  2. Melchora Aquino died on March 2, 1919
  3. Francisco Baltazar died on February 20, 1862
  4. Juan Luna died on December 7, 1899
  5. Marcelo H. del Pilar died on July 4, 1896
  6. José Rizal died on December 30, 1896
  7. Andrés Bonifacio died on May 10, 1897
  8. Apolinario Mabini died on May 13, 1903
  9. Manuel L. Quezon died on August 1, 1944
  10. Sergio Osmeña died on 19 October 1961
  11. Manuel Roxas died on April 15, 1948
Philippine 5 Pesos Notes and coins

Sina Marcelo H. Del Pilar at Graciano Lopez-Jaena ang unang mga bayani sa 5 Pesos sa English Series (1951–1967) at sila'y pinalitan ni Andrés Bonifacio mula Pilipino Series (1967–1973) hanggang sa Pilipino Series Bagong Lipunan (1973–1985) ng Bangko Sentral ng Pilipinas. Nagkaroon ng Bagong Lipunan Coin na larawan ni Ferdinand Marcos sa paggunita ng Martial Law noong September 21, 1972. Sa Flora and Fauna Series (1991–1994) si Emilio Aguinaldo naman ang bayani hanggang BSP Coin Series (1995–2017) at pinalitan ulit ni Andrés Bonifacio sa New Generation Currency Coin Series (2017-present).

10 Pesos Notes and coins

Sina Mariano Gomez, Jose Burgos, at Jacinto Zamora (Gomburza) ang unang mga bayani sa 10 Pesos sa English Series (1951–1967) at sila'y pinalitan ni Apolinario Mabini mula Pilipino Series (1967–1973) hanggang New Design series (1985–2001) ng Bangko Sentral ng Pilipinas kung saan kasama si Andrés Bonifacio. Sa BSP Coin Series (2000–2017) naman ay magkasama pa rin sina Apolinario Mabini at Andrés Bonifacio at sa New Generation Currency Coin Series (2017–present) ay si Apolinario Mabini na lamang.

20 Pesos Notes and coin

Sina Andrés Bonifacio at Emilio Jacinto ang unang mga bayani sa 20 Pesos sa English Series (1951–1967) at sila'y pinalitan ni Manuel L. Quezon mula Pilipino Series (1967–1973) hanggang sa New Generation Series (2010–present) ng Bangko Sentral ng Pilipinas.

50 Pesos Ntoes

Si Antonio Luna ang unang bayani sa 50 Pesos sa English Series (1951–1967) at siya'y pinalitan ni Sergio Osmeña mula Pilipino Series (1967–1973) hanggang sa New Generation Series (2010–present) ng Bangko Sentral ng Pilipinas.

100 Pesos Notes

Si Melchora Aquino ang unang bayani sa 100 Pesos sa English Series (1951–1967) at siya'y pinalitan ni Manuel Roxas mula Pilipino Series (1967–1973) hanggang sa New Generation Series (2010–present) ng Bangko Sentral ng Pilipinas.

200 Pesos Notes

Si Manuel L. Quezon ang unang bayani sa 200 Pesos sa English Series (1951–1967) at siya'y pinalitan ni Diosdado P. Macapagal mula New Design Series (2002) hanggang sa New Generation Series (2017–present) ng Bangko Sentral ng Pilipinas.

1000 Pesos Notes

Sina José Abad Santos, Vicente Lim, at Josefa Llanes Escoda ang mga bayani sa 1000 Pesos sa New Design Series (1991-2012) hanggang sa New Generation Currency Series (2010–present) ng Bangko Sentral ng Pilipinas.


 Francis Morilao
11 June 2011
Licensed under a Creative Commons Attribution-NoDerivs 4.0 International License.